وهذي هي الطريقة
1) في البدايه بعد ما تغسلين وجهك رطبيه بكريم الترطيب الخاص بك وخليه على الاقل 10 دقايق الى ربع ساعه قبل ما تبتدين بالمكياج .
..........................................................................................................................................................
2) بعدها تبتدين توزعين بودره كانيبو المضغوطه باستخدام الاسفنجه المبلله بالماء
بس اهم شي في هذي الخطوه انك ترشين مثبت المكياج من ميك اب فورايفير على الاسفنجه المبلله أو انك ترشين مثبت المكياج في الوعاء الي فيه الماي الي بتستخدمينه لتبليل الاسفنجه و توزعين البودره على كامل الوجه والرقبه .
.........................................................................................................................................................................
3) بعد ما تخلصين من توزيع البودره الفاتحه على كامل الوجه تبدئين بتوزيع طبقه ثانيه باستخدام اسفنجه مبلله ومرشوش عليها مثبت المكياج و انك ترشين مثبت المكياج في الوعاء الي فيه الماي الي بتستخدمينه لتبليل الاسفنجه مثل ماقلت سابقا وايضا تستخدمين كومباكت بودر من كانيبو بس هالمره تستخدمين الدرجه الي مثل لون بشرتك بالضبط وتحطينها فوق الطبقه الفاتحه وشوفي كيف بيطلع وجهك رهيب وطبقه واحده ومنور .
.......................................................................................................................................................................... 4) اخر شي باستخدام الفرشاه توزعين البودره السائبه على كامل الوجه ( لوس باودر ) وتكون مثل لون بشترتك حتى تثبت لك المكياج وممكن تستخدمين النوع الي يكون بلمعه خفيفه او بقلتر حتى ينور لك الوجه
.........................................................................................................................................................................